لا أنفك أرددها وللأسف فأنا مُعجب بها جداَ ..!
جيتك فرح ينتظر منك زغاريد
جيتك أمل ينتظر بس تحقيقه
جيتك سحاب من دون ترعيد
جيتك مطر هتان ساقت توافيقه
جيتك فرحة طفل في صباح العيد
جيتك عُمُر يبي وصلك دقيقة ..!
جيتك صدر به مليوووون ضيقة
جيتك في طريق الحُب أمشي وحيد
جيتك غريـب وعيونـك طريقه
جيتك بدوي تحكمه التقاليد
تنتزع روحه ولا ينكر رفيقه
جيتك حقيقة في سراب البيد
وفي سراب البيد جيتك حقيقه
جيتك وثيقة محبتي بك وتزيد
جيتك أكيده محبتي ما تبي وثيقة
جيتك عميقة محبتي بك وتزيد
جيتك ومحبتي بك تزيد وعميقة
جيتك غريقة دموعي بليل التناهيد
جيتك بليل التناهيد دموعي غريقة
جيتك عتيقة جروحي وجرحِ جديد
جيتك جرحِ جديد وجروحِ عتيقة
جيتك وجيتك يا أحلى المواعيد
جيتك أطلب ارضاك بأية طريقة
.
.
.
